Rossiya maxsus xizmatlari Telegram messenjerini buza olishdimi?
Rossiya Federal xavfsizlik xizmati (FXX) eng xavfsiz va yaxshi himoyalangan messenjerlardan biri Telegram ilovasini buzishning uddasidan chiqishgan. Britaniya razvedkasi sobiq xodimining hisobotida shu haqda so‘z boradi. Hujjat Amerika maxsus xizmatlari ixtiyorida paydo bo‘lgan, deb xabar qilmoqda BuzzFeed.
Hisobotda ta'kidlanishicha, Telegram ilovasining shifrlash tizimi FXXning «kuchli qiziqishi»ga sabab bo‘lgan. Mazkur messenjer Rossiya siyosiy faollari va muxolifat vakillari orasida ommabop ekani qayd etilgan. «FXX ushbu dasturiy ta'minotni muvaffaqiyatli buza olgan, shunga ko‘ra, endilikda, undan foydalanish xavfsiz emas», — deyiladi xabarda.
CNN telekanali, Britaniya razvedkasi sobiq xodimining ayni hisoboti, Moskvaning AQSh saylovlariga aralashganiga doir ma'ruzasiga asos bo‘lgani haqida xabar qilgan edi.
Telegram ilovasi — «VKontakte» mualliflari Pavel va Nikolay Durovlar tomonidan ishlab chiqilgan bepul messenjer bo‘lib, matnli xabarlar va mediafayllarni yuborish imkonini beradi.
Mavzuga oid
15:30 / 26.09.2024
Pavel Durov fransuz tergovchilariga yiliga atigi bir dirham ishlab topishini aytgan - OAV
18:35 / 23.09.2024
Jinoyatchilarning Telegram raqamlari va IP-manzillari oshkor etiladi – Durov
20:17 / 21.09.2024
Telegram turli mamlakatlarning huquq-tartibot idoralari bilan hamkorlik qila boshladi
10:02 / 19.09.2024