Moskvada O‘zbekiston-Rossiya vazirliklararo siyosiy maslahatlashuvlarining navbatdagi raundi bo‘lib o‘tdi

2017 yilning 19 yanvar kuni Moskva shahrida O‘zbekiston-Rossiya vazirliklararo siyosiy maslahatlashuvlarining navbatdagi raundi bo‘lib o‘tdi. Bu haqida O‘zbekiston Respublikasi TIV rasmiy saytida xabar berildi. 

Muzokaralarda Rossiya tomonidan Rossiya Federatsiyasi tashqi ishlar vaziri o‘rinbosari Vasiliy Nebenzya boshchiligidagi delegatsiya ishtirok etdi.

Muloqot davomida MDH doirasidagi ikki tomonlama hamkorlikning dolzarb jihatlari hamda O‘zbekiston-Rossiya kun tartibining boshqa masalalari yuzasidan fikr almashildi.

Maslahatlashuvlarda Toshkent shahrida MDH tashqi ishlar vazirlari kengashining bo‘lajak majlisi va ikki tomonlama hamkorlik doirasidagi boshqa tadbirlarga tayyorgarlik ko‘rish jarayoniga alohida e'tibor qaratildi.