Qoʻshimcha funksionallar
-
Tungi ko‘rinish
AQSh samolyotlari sababli Okinava aholisiga katta tovon puli to‘lanadi
Yaponiyadagi Okinava prefekturasida joylashgan Naxa shahri sudi davlatga uylari AQSh harbiy-dengiz kuchlarining Kadena aviabazasi yaqinida joylashgan odamlarga shovqin uchun 30 mlrd iyen (264 mln dollar) miqdorida tovon puli to‘lash majburiyatini qo‘ydi, deb xabar bermoqda NHK telekanali.
Jamoaviy da'vo arizasi 22 mingdan ko‘proq odam tomonidan berilgan. Da'vo qiluvchilarning fikricha, AQSh harbiy samolyotlari parvozlari vaqtida solinadigan shovqin ularning normal hayot kechirishlariga xalaqit qilmoqda va ruhiyatlariga zarar yetkazmoqda.
Shu bilan birga sud aholining bu hududda AQSh harbiy-havo kuchlarining samolyotlari va MV-22 Osprey konvertoplanlari parvozlarini taqiqlash haqidagi talablarini rad etdi.
2016 yil dekabrda Okinavadagi oliy sud instansiyasi okrug sudining Ginovan shahridagi AQShning Futemma harbiy bazasidagi samolyotlar shovqini uchun mahalliy aholiga tovon puli to‘lash haqidagi qarorini qo‘llab-quvvatlagandi.
Okinava Yaponiyaning 0,6 foiz qismini egallaydi, biroq bu yerda Yaponiyada joylashgan barcha AQSh bazalarining 74 foiz maydoni joylashgan.
Mavzuga oid
21:15 / 21.05.2025
Yaponiya qishloq xo‘jaligi vaziri guruch haqidagi gaplaridan keyin iste’fo berdi
09:05 / 21.05.2025
“Tabiiy, innovatsion, transformativ” – yaponlar o‘zbek pavilioniga qanday ta’rif bermoqda?
17:12 / 20.05.2025
“Tokiodagi o‘zbeklarning o‘g‘riligi O‘zbekiston imijiga minus” – Yaponiyadagi elchi bilan suhbat
11:21 / 16.05.2025