Germaniyada haydovchi odamlarni ataylab bosib ketdi

OAVda Germaniyaning Geydelberg shahrida haydovchi piyodalar ustiga ataylab bostirib borgani, so‘ngra qochishga harakat qilgani haqida ma'lumot paydo bo‘ldi.

Mahalliy politsiya ma'lumotlariga ko‘ra, haydovchi pichoq bilan qurollangan bo‘lgan. Politsiyachilar erkakka o‘q uzib, uni to‘xtatib qolishgan.

Haydovchi jiddiy jarohat bilan shifoxonaga yetkazilgan. Hujum oqibatida 3 piyoda jarohat olgan, ulardan birining jarohatlari jiddiy. Jinoyat sabablari hozircha noma'lumligicha qolmoqda.