Poroshenko o‘z oldiga prezident bo‘lishni maqsad qilmaganini aytdi

Ukraina prezidenti Pyotr Poroshenko hech qachon o‘z oldiga mamlakat prezidenti bo‘lishni maqsad qilmaganini aytdi, deb xabar bermoqda Kharkiv Today nashri.

Poroshenko Xarkovga tashrifi vaqtida mahalliy maktablardan birining o‘quvchisi undan "Agar yaxshi o‘qisam, prezident bo‘la olamanmi?", deb so‘ragan.

"Men hech qachon oldimga bunday maqsad qo‘ymaganman, men zavodlar qurganman va odamlarga ish o‘rinlari berganman. Ukraina yordamga muhtoj edi, men buning evaziga nima olishimni o‘ylamaganman. Senga shuni aytishim mumkinki, agar davlatimga foydam tegadi deb fikr yuritsang, ko‘zga ko‘rinmay qolmaysan", deb javob bergan Ukraina prezidenti.