Turkiyadagi davlat to‘ntarishiga urinishdan keyin 6 nafar germaniyalik hibsga olingan

Turkiyada 2016 yil iyulida sodir etilgan davlat to‘ntaruviga urinishdan keyin Germaniyaning 6 nafar fuqarosi hibsga olingan. Bu haqda Germaniya tashqi ishlar vazirligi vakili matbuot-anjumanda ma'lum qildi.   

"Bizning, jumladan Deniz Yujyel (Welt gazetasi muxbiri) ma'lumotlariga ko‘ra, Turkiyada davlat to‘ntaruviga urinishdan keyin 6 nemis fuqarosi hibsga olingan", deb aytgan manba. Uning aytishicha, Germaniyaning Turkiyadagi diplomatik vakolatxonalari vakillari ularga konsullik yordamini ko‘rsatishmoqda.       

"Hamma holatda ham konsullik yordami ko‘rsatilishiga yo‘l qo‘yilmagan. Biz buning ustida faol ishlamoqdamiz", deb aytgan Germaniya tashqi ishlar vazirligi vakili.