Qozog‘istonda politsiyachi sherigini otib o‘ldirdi

Qozog‘istonda ixtisoslashtirilgan qo‘riqlash xizmati boshqarmasi xodimi Qizilo‘rda shahridagi prokuratura binosida birga navbatchilikda turgan sherigini otib o‘ldirdi. Bu haqda Sputnik Qozog‘iston Qizilo‘rda viloyati ichki ishlar departamentiga asosan xabar bermoqda. 

Fojia 8 mart kuni shahar prokuraturasining soqchilik xonasida ro‘y bergan.

"Qizilo‘rda viloyatining ixtisoslashtirilgan qo‘riqlash xizmati boshqarmasi xodimi xizmat qurolidan o‘q uzgan, natijada u bilan bir naryadda bo‘lgan politsiyachi jarohat oldi va hayotdan ko‘z yumdi", - deya xabar berishgan politsiyada.

Gumonlanuvchi qamoqqa olindi. “Qotillik” moddasi bo‘yicha sudgacha surishtiruv ishlari o‘tkazilmoqda.