Andijonda hokim o‘rinbosarlariga yangi rusumdagi 50ta Nexia berildi

Andijonda tuman va shahar hokimlari o‘rinbosarlariga ajratilgan xizmat avtomashinalarini topshirish marosimi bo‘lib o‘tdi. Bu haqda Kun.uz’ning Andijondagi muxbiri xabar bermoqda.
 
Marosimda so‘z olgan viloyat hokimi Shuhratbek Abdurahmonov O‘zbekiston Prezidenti tomonidan qabul qilingan “Davlat boshqaruvi hududiy organlari faoliyatini yanada takomillashtirish va xodimlarini moddiy rag‘batlantirish chora-tadbirlari to‘g‘risida”gi  Qarori bilan hududiy boshqaruv organlari xodimlariga berilayotgan e'tibor haqida gapirib, yaratilayotgan sharoitlar ularni yanada ma'suliyat bilan faoliyat yuritishlariga undashini ta'kidladi.     

Shundan so‘ng viloyatdagi barcha shaharlar va tumanlar hokimlarining o‘rinbosarlari uchun ajratilgan yangi rusumdagi “Neksiya” avtomashinalari topshirildi.

Elmurod Ermatov, Andijon