«Real» g‘alaba qozonib, «Barselona»dan 5 ochkoga ilgarilab ketdi

Ispaniya chempionatining 28-turida «Real» «Atletik»ka qarshi o‘yin o‘tkazdi. «San Mames» stadionida kechgan uchrashuvda Zidan shogirdlari muhim g‘alabani qo‘lga kiritdi.

Uchrashuvda Benzema hisobni ochgandi, ikkinchi bo‘limda, 65-daqiqada mezbonlarning faxriy hujumchisi Arits Aduris hisobni tenglashtiruvchi golni urdi. Ammo 3 daqiqa o‘tib madridliklar jamoasi tayanch yarim himoyachisi Kazemiro hisobni 2:1 ko‘rinishiga keltirdi.

O‘yinda shu hisob saqlanib qoldi. E'tiborli jihati, «Real»ning ikki goliga ham Krishtianu Ronaldu pas uzatdi.

Endilikda Primera turnir jadvali yetakchisi «Real» ochkolari sonini 65taga yetkazdi va «Barselona» bilan oradagi farqni 5taga oshirdi. «Atletik» 44 ochkosi bilan yettinchi o‘rinda joylashgan.

Ispaniya chempionati, 28-tur

Atletik – Real Madrid 1:2 (0:1, 1:1)
Gollar: 0:1 – 25 Benzema, 1:1 – 65 Aduris, 1:2 – 68 Kazemiro.
Atletik – Arrisabalaga, Inigo Lekue (Muniain, 59), Laport, Yyeray Alvares, De Markos, Raul Garsiya (Susayeta, 86), Iturraspe, Inyaki Uilyams, Benyat (Mikel Riko, 79), Balensiaga, Aduris.
Real Madrid –    Navas, Nacho, Marselo, Karvaxal, Ramos, Modrich (Vaskes, 62), Kazemiro, Kroos, Beyl, Ronaldu (Isko, 79), Benzema (Morata, 85).
Ogohlantirishlar: Aduris (28), Karvaxal (28), Kazemiro (31), Kroos (71), Navas (90).