Nil Gorsach AQSh oliy sudining 113-a'zosi sifatida qasamyod keltirdi
Amerikalik huquqshunos Nil Gorsach Oq uyning Pushti bog‘ida o‘tgan rasmiy marosimda AQSh oliy sudining 113-a'zosi sifatida qasamyod keltirdi. Marosimda AQSh prezidenti Donald Tramp va vitse-prezident Maykl Pens ishtirok etdilar.
Avvalroq Gorsach oliy sud binosida yopiq eshiklar ortida qasamyod keltirgandi. Pushti bog‘dagi marosim esa Gorsachning bu lavozimga rasman kirishishidan oldin oxirgi rasmiyatchilik bo‘ldi.
Gorsach 49 yoshda. U avval AQShning 10-federal okrugida hakamlik sudi tarkibida ishlagan.
"U shaxsiy qarashlar emas, balki qonunni adolatli va xolis uqqan holda qarorlar qabul qiladi", deb aytdi Tramp tantanali marosim oldidan.
Ushbu lavozim uchun tayinlov bo‘yicha bahslar AQSh Demokratik va Respublikachilar partiyalari orasida bir yildan ko‘proq vaqt davom etib kelgan.
Mavzuga oid
22:37 / 28.09.2024
AQShda «Helen» to‘foni oqibatida 50 dan ortiq kishi halok bo‘ldi
18:53 / 28.09.2024
AQSh Davlat kotibi Markaziy Osiyo davlatlari tashqi ishlar vazirlari bilan uchrashdi
13:13 / 28.09.2024
“Mister va missis Ogorodnikoff”: AQShda ishlagan KGB josuslari qanday fosh qilingandi?
12:55 / 28.09.2024