A Seriya. "Milan" derbisida g‘olib aniqlanmadi

Italiya chempionati 32-turining markaziy o‘yinida Milan derbisi bo‘lib o‘tdi. Gollarga boy bo‘lgan uchrashuv 2:2 hisobidagi durang bilan yakunlandi. 

36-daqiqada Kandreva hamda 44-daqiqada Ikardining gollari evaziga "Inter" oldinga chiqib olgan bo‘lsa, uchrashuvning so‘nggi 7 daqiqasida "Milan" Romanoli (83) va Sapataning (90) gollari hisobni tenglashtirishga muvaffaq bo‘ldi. 

Ushbu o‘yindan keyin "Milan" 58 ochko bilan 6-o‘rinda, "Inter" esa 56 ochko bilan 7-o‘rinda qoldi. 

Inter – Milan 2:2 
Gollar: 1:0 – 36 Kandreva, 2:0 – 44 Ikardi, 2:1 – 83 Romanoli, 2:2 – 90 Sapata.
Inter – Xandanovich, Miranda, Nagatomo, D`Ambrozio, Kondogbia, Joau Mariu (Murilo, 80), Medel, Kandreva (Biabiani, 90), Galyardini, Perishich (Eder, 68), Ikardi.
Milan – Donnarumma, Sapata, De Shilo, Kalabriya (Okampos, 81), Romanoli, Fernandes, Sosa (Lapadula, 75), Suso, Kutska (Lokatelli, 57), Deulofeu, Bakka.
Ogohlantirishalr: Kutska (34), Kandreva (37), Xandanovich (86), Galyardini (90), Lokatelli (90).