Pentagon Shimoliy Koreya raketalarini urib tushiradi

AQSh mudofaa vazirligi shu yilning may oyida KXDR ballistik raketalarini tutish bo‘yicha mashg‘ulot o‘tkazishni rejalashtirmoqda. Ikkita o‘quv sinovidan iborat mashg‘ulotlar Tinch okeanida o‘tkazilishi belgilanmoqda. Bu haqda CNN telekanali Pentagon rasmiylariga tayangan holda xabar qilmoqda. 

Telekanal ma'lumotlariga ko‘ra, sinov chog‘ida AQSh harbiy-dengiz kuchlari kemasining jangovar tavsiflari yaxshilangan RQM tizimidan raketalar uchiriladi. Qayd etilishicha, urib tushiruvchi raketalarni ishlab chiqishga qaratilgan dastur Shimoliy Koreya uchiradigan o‘rta masofaga parvoz qiluvchi raketalarni tutishga qaratilgan. 

Shu bilan birga, ikkinchi bosqich sinovda qit'alararo raketalarni tutish bo‘yicha amaliyot ijro etiladi.