Afg‘onistonda toliblarning hujumidan qurbon bo‘lganlar soni 140 nafarga yetdi
Afg‘oniston janubidagi Balx viloyatida joylashgan harbiy bazaga "Tolibon" radikal harakatining hujumi oqibatida halok bo‘lgan afg‘on harbiylari soni 140 nafarga yetdi. Bu haqda Reyter agentligi afg‘on rasmiylariga tayangan holda xabar qilmoqda.
AQSh Markaziy qo‘mondonligi (CENTCOM) vakili Jon Tomas, viloyat ma'muriy markazi Mozori-Sharif yaqinidagi hujumdan 50 kishi halok bo‘lgani haqida ma'lum qilgandi.
Biroq, Mozori-Sharif shahrilik mulozim, qurbonlar soni 140 nafarni tashkil etganini bildirgan. Ko‘plab kishilar tan jarohati olgan. Boshqa ayrim rasmiylar esa, qurbonlar soni ortishi mumkinligini aytishgan. Afg‘onistonning Tolo News telekanali xavfsizlik kuchlaridagi manbasiga tayangan holda 135 nafar kishi halok bo‘lgani, 60 kishi yaralangani haqida xabar qilgan.
Avvalroq, Pajvak agentligi xavfsizlik idoralariga tayangan holda afg‘on armiyasi libosini kiyib olgan jangarilar Balxdagi harbiy bazaga hujum qilgani haqida xabar qilgan edi. Hujum uchun javobgarlikni "Tolibon" harakati o‘z zimmasiga oldi.
Mavzuga oid
22:50 / 26.09.2024
Bir qancha G‘arb davlatlari «Tolibon»ni ayollarni kamsitgani uchun sudga bermoqchi
23:22 / 24.09.2024
BMT Afg‘onistonda ayollarga qo‘yilgan barcha cheklovlarni olib tashlashni talab qildi
19:37 / 24.09.2024
Muhojirlardan himoyalanish uchun: Eron Afg‘oniston bilan chegarada devor qurmoqda
00:53 / 22.09.2024