AQSh Istanbuldagi terakt tashkilotchisi yo‘q qilinganini e'lon qildi
AQSh qurolli kuchlari markaziy qo‘mondonligi (CENTCOM) IShID yetakchilaridan biri Abdurrahmon O‘zbekiyning o‘ldirilgani haqida ma'lum qildi. Bu haqda Turkiyaning Anadolu agentligi xabar qilmoqda.
O‘zbekiy Istanbulning O‘rtako‘y tumanidagi «Reyna» tungi klubida 31 dekabr kuni sodir etilgan qo‘poruvchilik harakati tashkilotchisi hisoblanadi. O‘shanda, 39 kishi hayotdan ko‘z yumgan, ularning 25 nafari xorijliklar edi.
CENTCOM vakili, polkovnik Jon Tomasning aytishicha, IShID yetakchisi Abu Bakr Bag‘dodiyning yaqin safdoshi 2017 yil 6 aprelda Suriyaning Dayr az Zor shahri yaqinidagi Mayodin shahrida amalga oshirilgan harbiy amaliyot chog‘ida yo‘q qilingan.
O‘zbekiy, shuningdek, terrorchilar safiga xorijiy jangarilarni jalb qilish va moliyaviy mablag‘lar topish vazifasini ham bajargan.
Mavzuga oid
12:10
AQShda «Helen» to‘foni oqibatida 60 dan ortiq kishi halok bo‘ldi
22:37 / 28.09.2024
AQShda «Helen» to‘foni oqibatida 50 dan ortiq kishi halok bo‘ldi
18:53 / 28.09.2024
AQSh Davlat kotibi Markaziy Osiyo davlatlari tashqi ishlar vazirlari bilan uchrashdi
13:13 / 28.09.2024