Somalida otib tashlangan vazirni jangari deb o‘ylashgan
Somali xavfsizlik xizmatlari xodimlari chorshanba kuni poytaxt Mogadishoda jamoat ishlari va mamlakatni qayta tiklash bo‘yicha vazirini otib tashlashgan. Politsiyadagilarning Reyter agentligiga ma'lum qilishlaricha, vazirni tushunmovchilik tufayli islomiy jangari deb o‘ylashgan.
Ilgariroq, Somali hisob palatasi raisining tansoqchilari jamoat ishlari va mamlakatni qayta tiklash bo‘yicha vaziri Abbos Abdullohiyni mamlakat poytaxti Mogadishoning markazida otib tashlashgani haqida xabarlar berilgan edi. Soqchilar prezident saroyining oldidagi nazorat-o‘tkazish punktida vazir kelayotgan avtomobilga qarata o‘t ochishgan. O‘t ochishning sabablari va tafsilotlari keltirilmayotgan edi.
Mogadisho merligi vakili Abdulfattoh Umarning Halaniyning bayon qilishicha, vazir «xato tufayli» o‘ldirilgan. «Ular avtomobilga qarata tasodifan o‘t ochishgan», — degan u. Politsiya vakili Nur Hussaynning so‘zlariga ko‘ra, ko‘chalarda patrullik qilayotgan xavfsizlik xizmati xodimlari ko‘chalardan birini to‘sib turgan avtomobilni ko‘rib qolgan va uni jangarilar boshqarayotgan deya gumon qilib, o‘t ochgan.
Somalida markaziy hukumatga qarshi qurolli kurashayotgan hamda BMTning insonparvarlik faoliyatiga to‘siq bo‘layotgan «Ash-Shabob» terrorchilik tashkiloti faoliyat olib boradi. Guruh AQShning terrorchilik tashkilotlari ro‘yxatiga 2008 yilda kiritilgan va unga nisbatan mamlakat hududida sanksiyalar amal qiladi.
Mavzuga oid
21:04 / 02.10.2024
Hindistonda o‘qituvchilar «maktab farovonligi» uchun o‘quvchini qurbon qilishdi
14:06 / 26.09.2024
Yaponiyada sud 56 yil avvalgi qotillik uchun o‘limga hukm qilingan erkakni oqladi
09:23 / 26.09.2024
Turkiyada 8 yoshar qizaloqning o‘ldirilishi. Bu haqida nimalar ma’lum?
09:20 / 05.08.2024