Toshkent IIBB 2017 yil 4 oyi mobaynida 642 nafar qidiruvda bo‘lgan shaxslarni ushladi

Toshkent IIBBda bo‘lib o‘tgan matbuot anjumanida ma'lum qilinishicha, soha xodimlari tomonidan o‘tkazilgan tergov-tezkor tadbirlar natijasida joriy yil 4 oyida 430ta, aprel oyida–114ta va hafta davomida esa – 21ta jinoyatlar issiq izidan fosh etildi. Shularning 3tasi og‘ir tan jarohati yetkazish, 1tasi talonchilik, 12tasi o‘g‘irlik, 5tasi firibgarlik jinoyatlari ekani qayd etildi. 

Shuningdek, yil boshidan – 642 nafar, aprel oyida– 130 nafar hamda hafta davomida–42 nafar qidiruvda bo‘lgan jinoyatchilar ushlandi.

Muqaddam sudlanganlar, profilaktik hisobda turuvchilar o‘rtasida ham profilaktik ishlar amalga oshirildi. Jumladan, 813 nafar muqaddam sudlangan shaxslar, 1395 nafar ichki ishlar idoralari profilaktik hisobida turgan shaxslar bilan suhbatlar o‘tkazilgan.