O‘zbekistonlik paralimpiyachi o‘q otish bo‘yicha xalqaro musobaqada 2 ta medalni qo‘lga kiritdi

2017 yilning 5-14 may kunlari Germaniyaning Hannover shahrida paralimpiyaning o‘q otish sport turi bo‘yicha Xalqaro turnir bo‘lib o‘tmoqda. Mazkur musobaqada Rio 2016 Paralimpiya o‘yinlari bronza medali sohibi Server Ibragimov ham ishtirok etmoqda. Bu haqda Kun.uz'ga O‘zbekiston Milliy Paralimpiya assotsiatsiyasi xabar berdi. 

Shu kunga qadar Server Ibragimov o‘z ishtirokini yakunlab, 1 ta oltin va 1 ta kumush, jami 2 ta medal sohibiga aylandi. 

Ushbu musobaqada O‘zbekiston vakili 10 m.ga to‘pponchadan otish bo‘yicha faxrli 1-o‘rinni egallab, oltin medalni ko‘lga kiritgan bo‘lsa, 50 m.ga to‘pponchadan otish bo‘yicha kumush medalni qo‘lga kiritdi.