Ramazon oyida “Lokomotiv”ning uy o‘yinlariga kirish bepul bo‘ladi

Ma'lumki, 26–27 may kunlari futbol bo‘yicha Oliy Liganing 12-tur uchrashuvlari bo‘lib o‘tadi. Ushbu turda “Lokomotiv” Farg‘onaning “Neftchi” jamoasiga qarshi maydonga tushadi.

“Lokomotiv” jamoasi matbuot xizmatining xabariga ko‘ra, Ramazon oyi munosabati bilan klub ushbu oyda bo‘lib o‘tadigan uy o‘yinlariga kirishni bepul qilishga qaror qildi. Shu tariqa, 27 may kuni bo‘lib o‘tadigan “Lokomotiv” – “Neftchi” uchrashuviga ham muxlislar bepul tarzda kirishlari mumkin bo‘ladi.

Mazkur o‘yin shanba kuni “Lokomotiv” stadionida bo‘lib o‘tadi. Uchrashuvning boshlanish vaqti – 19:00.