AQShdagi beysbol uchrashuvida ommaviy mushtlashuv yuz berdi (video)
AQShda "San-Frantsisko Djayyents" va "Vashington Neshionals" beysbol jamoalari o‘rtasidagi uchrashuv davomida sportchilar orasida ommaviy mushtlashuv yuz berdi. Bu haqda The New York Times nashri xabar bermoqda.
Mushtlashuv Vashington jamoasining to‘pni qaytaruvchi a'zosi Brays Xarper sababli boshlangan. Bunga esa raqib jamoa pitcheri Xanter Striklendning otgan to‘pi Xarperning oyog‘iga tegishi sabab bo‘lgan.
Ushbu mushtlashuv aks etgan videoda oyog‘iga to‘p tekkanidan darg‘azab Xarper bitani chetga uloqtirib, Striklend tomon chopayotgani, so‘ngra esa ikki beysbolchi yuzlariga musht tushirib ketishganini ko‘rish mumkin. Bir necha soniya ichida mushtlashuvga jamoalarning qolgan a'zolari ham qo‘shilib ketishgan.
Sportchilar tinchlantirilgandan keyin uchrashuv davom ettirilgan. Uchrashuvda "Vashington Neshionals" 3:0 hisobida g‘alaba qozongan.
Mavzuga oid

23:57 / 17.03.2025
Akmal Shukurov Qozog‘istonda ushlandi

13:46 / 17.03.2025
Toshkentda tanishini himoya qilishga uringan shaxs kuchli zarbadan so‘ng komaga tushib qoldi

07:32 / 18.06.2024
Toshkentda elektrobus va 2 ta yengil mashina haydovchilari o‘rtasida mushtlashuv yuz berdi

16:14 / 15.05.2024