Qadimiy tangalarni yashirincha olib ketayotgan xorijlik O‘zbekiston bojxonasida ushlandi

Surxondaryo viloyati «Boldir» bojxona posti xodimlari O‘zbekiston hududidan Rossiya Federatsiyasiga yo‘l olgan chet el fuqarosini qo‘lga olishdi. Ayol ko‘ylagi orasida 12 ta qadimiy tangani yashirib, uni chegaradan olib o‘tmoqchi bo‘lgan. Uning bu qilmishi skaner qiluvchi apparat yordamida aniqlangan.

Badiiy eksperteza bergan xulosaga ko‘ra, ayoldan olib qo‘yilgan tangalar 18-19-asrga taalluqli bo‘lib, umumiy bahosi 22 million so‘mni tashkil etadi.

O‘zbekiston Respublikasi qonunchiligiga muvofiq mazkur tangalar Surxondaryo viloyatining Arxeologiya muzeyiga topshirilgan.