Grizmann «Atletiko» bilan yangi shartnoma imzoladi

Antuan Grizmann «Atletiko» safida o‘ynashda davom etadi.

Madridliklar jamoasi rasmiy saytida ma'lum qilinishicha, ushbu fransiyalik futbolchi bilan 2022 yil yozigacha amal qiladigan yangi shartnoma tuzilgan. Kelishuv bandlari ochiqlanmagan.

Bundan avvalgi xabarlarda Grizmanning «Atletiko» bilan shartnomasida uning maoshi sezilarli darajada oshishi, uning badal puli sifatida belgilangan 100 million yevro – o‘zgarmasdan qolishi aytilgandi.

Ushbu futbolchi «Manchester Yunayted»ga o‘tish arafasida «Atletiko»ga yangi futbolchilarni tarkibga jalb qilishi bo‘yicha qo‘yilgan taqiq tufayli Madridda qolishga qaror qilgandi.