AQSh birinchi marta Rossiya kuni munosabati bilan tabrik yo‘llamadi

AQSh so‘nggi 25 yilda ilk marotaba Rossiya kuni munosabati bilan RF elchixonasiga tabrik yo‘llamadi. Bu haqda RIA Novosti agentligiga diplomatik vakolatxona vakili Nikolay Laxonin ma'lum qilgan.

«Biz Amerika tomoni Rossiya kuni munosabati bilan tabriknoma yubormaganini tasdiqlaymiz. Bunaqas birinchi marta. Xulosa o‘zingizdan», — degan Laxonin.

Bu bayonot Amerika tashqi ishlar vaziri Reks Tillersonning Amerika-Rossiya munosabatlari xususidagi fikrlari bilan bir vaqtda yangradi. Tillerson ikki davlat o‘rtasidagi munosabatlar eng quyi darajada ekani va u pasayishda davom etayotganini aytgandi. 

12 iyun kuni RFda Rossiya kuni 15 marotaba nishonlandi. Bundan avval, 10 yil mobaynida Rossiya Federatsiyasi davlat mustaqilligi to‘g‘risidagi deklaratsiya qabul qilingan kun sifatida nishonlangan. 

Moskva shahridagi bayram tadbirlari va ommaviy sayllarda 2,5 millionga yaqin kishi qatnashdi.