Protez qo‘lli tennischi professional tennisda ilk ochkolarini qo‘lga kiritdi

Chap qo‘lining bilak qismisiz tug‘ilgan, 23 yoshli yangi zelandiyalik tennischi Aleks Xant Professional tennischilar uyushmasi reytingidagi ilk ochkosini qo‘lga kiritdi. U mukofot jamg‘armasi 15 ming dollarni tashkil qiluvchi Guamda o‘tayotgan musobaqaning 1-davrasida raqibini 6:0, 6:0 hisobida ikki setda mag‘lub etdi.
"Fikrimcha, professional musobaqada ochko ololgan, qo‘llaridan biri yo‘q birinchi tennischi bo‘lsam kerak. Bu hamisha mening orzuim bo‘lgan", deb aytgan Xant g‘alabadan keyin. Uning aytishicha, u o‘z harakati bilan nogiron odamlarni ilhomlantirmoqchi bo‘lgan.
Xant Guamdagi musobaqadan keyin Ispaniya, Portugaliya va Marokashda o‘tadigan musobaqalarda ham o‘z kuchini sinab ko‘rmoqchi.
Xantning aytishicha, uning asosiy maqsadi qachondir "Katta dubulg‘a" musobaqasida o‘ynashdan iborat. "Men bunga qanday erishish mumkinligini tasavvur qilolmayman. Men shunchaki ko‘p mashg‘ulot qilib, o‘zimning eng yaxshi o‘yinimni ko‘rsatishga harakat qilaman. Ko‘ramiz, nima bo‘larkin?", deb aytgan tirishqoq tennischi.
Tavsiya etamiz
Putin o‘ziga voris tayyorlayotganini aytdi
Jahon | 20:13 / 04.05.2025
Husanovning o‘yinsiz seriyasi atrofidagi savollar va javoblar
Sport | 18:17 / 04.05.2025
“Yopilgan ish” yoxud otgan o‘qi o‘ziga qaytgan tergovchining iqrori
Jamiyat | 15:23 / 04.05.2025
9 may bayrammi yoki motam? Bu kunning mazmuni qanday?
O‘zbekiston | 21:19 / 03.05.2025
Mavzuga oid

23:16 / 11.07.2019
O‘zbekistonda bionik protezlar o‘rnatish bo‘yicha ilk tajriba namoyish etildi

00:22 / 03.03.2019
Afsonaviy Federer faoliyatidagi 100-unvonni qo‘lga kiritdi

10:17 / 07.11.2018
Politsiyachilar o‘g‘irlab ketilgan 150 ming dollarlik protez qo‘lni egasiga qaytarishdi

21:55 / 02.06.2017