2017 yilda Toshkent shahrida 120 mingta ish o‘rni yaratiladi

Joriy yilda Toshkent shahrida 120 mingta ish o‘rni yaratilishi rejalashtirilgan. Bu haqda shahar hokimi Rahmonbek Usmonov “Toshkent” telekanalidagi “Ochiq muloqot” ko‘rsatuvida aytib o‘tdi.

Uning so‘zlariga ko‘ra, bu raqam hozirgi hisob-kitoblar hamda Prezidentning bergan alohida topshirig‘iga ko‘ra, ikkinchi yarim yillikda hajmlar va kichik hamda o‘rta biznesni ko‘paytirish, kichik sanoat zonalarini tashkil qilgan holda oshishi mumkin.

Shuningdek, hokimning aytishicha, oilaviy biznesni rivojlantirish bo‘yicha ham ishlar olib borilmoqda.