Yevropa komissiyasi rahbari ochqab qolgani tufayli ko‘p savol bermaslikni so‘radi

Yevropa komissiyasi rahbari Jan-Klod Yunker, Kiyev shahrida Ukraina-YeI sammiti yakunlari bo‘yicha tashkil etilgan brifingda chiqish qilar ekan, ochqab qolgani tufayli unga ko‘p savollar bermaslikni so‘radi.

«Bitta savol, sababi ochqab qoldim», - deya Yunkerning so‘zlarini keltiradi «Ukrainskiye Novosti».

Eslatib o‘tamiz, Kiyev shahrida Ukraina-YeI 19-sammiti bo‘lib o‘tmoqda. Unda Ukraina prezidenti Pyotr Poroshenko,Yevropa kengashi va Yevropa komissiyasi rahbarlari Donald Tusk hamda Jan-Klod Yunker qatnashmoqda.

Poroshenko Ukraina-YeI sammiti davomida keyingi yig‘ilishlarni Donetsk va Yaltada o‘tkazish ham haqida gapirdi.