Moskvada O‘zbekiston fuqarosi qo‘lga olindi

Rossiya ichki ishlar vazirligining Moskva metropolitenidagi xodimlari yo‘lovchilardan biridan 200 ming rublni o‘margan farroshni qo‘lga olishdi. Bu haqda «Moskva» agentligi huquqni muhofaza qiluvchi organlardagi manbalarga asosan xabar bermoqda.

Jabrlanuvchining politsiyaga aytishicha, metroning «VDNX» bekatida noma'lum shaxs uning sumkasini o‘g‘irlab ketgan. Sumkada esa 3 ming dollar, 25 ming rubl, pasport va chiptalar bo‘lgan.

Huquqni muhofaza qilish organlari xodimlari biroz o‘tib O‘zbekistonning 34 yoshli fuqarosini qo‘lga olishgan. U metroning shu bekatida farroshlik bilan shug‘ullangan.

Erkakka nisbatan jinoiy ish qo‘zg‘atildi, u tomonidan o‘g‘irlagan barcha narsalar olib qo‘yildi.