Suriya armiyasi Homsdagi IShID jangarilarini chekintirib, Raqqaga yaqinlashmoqda

Suriya Arab respublikasi armiyasi harbiylari ittifoqchilar ko‘magida mamlakat markazidagi Homs viloyatida joylashgan As-Suxna shahridagi IShID jangarilariga hujum qilib, ularni chekintirdi. Endi Deyr az-Zor viloyatiga yo‘l ochilgan.

Dayr az-Zor va uning yaqinidagi aerodrom 3 yildan buyon jangarilar qo‘lida.

«Armiya va ittifoqchi kuchlar As-Suxnani o‘rab olgan. Ammo shaharga kirilmagan, shahar atrofida janglar davom etmoqda», — degan RIA Novosti agentligi suhbatdoshi.

Endilikda hukumat kuchlari IShIDning Suriyadagi «poytaxti» hisoblanadigan Raqqaga tomon yo‘ldagi Madan shahriga hujum qiladi.

Bu vaqtda armiya bo‘linmalari Raqqaga janubdan qamalni davom ettirmoqda.

#Suriya armiyasi #Raqqa

Suriyada 2011 yilda boshlangan fuqarolar urushi mamlakatni bir necha qismlarga bo‘lib tashlagan. Suriya hukumati, IShID, kurdlar va boshqa turli jangari guruhlar o‘rtasidagi qurolli to‘qnashuvlar hamon davom etmoqda.