Qoʻshimcha funksionallar
-
Tungi ko‘rinish
Misrlik politsiyachilarga qurolli hujum uyushtirildi, qurbonlar bor
Foto:aa.com.tr
Misrning Shimoliy Sinay viloyatida qurolli hujum natijasida uch nafar politsiya xodimi va bir harbiy halok bo‘ldi.
Misr xavfsizlik kuchlaridagi manbalarning "Anadolu"ga xabar berishicha, Biar-Al-Abd tumanidagi qishloqlardan biri yaqinida noma'lum kimsalar politsiya xodimlari va harbiylar bo‘lgan avtomobilni o‘qqa tutishgan.
Hujum uchun javobgarlikni hozircha hech kim o‘z bo‘yniga olmagan.
Mintaqadagi "Vilayat Sinay" guruhi IShID terrorchi tashkilotining mahalliy bo‘limi hisoblanadi. 2014 yilning noyabriga qadar u "Ansor Bayt Al-Maqdas" nomi bilan tanilgan. O‘shanda guruh rahbarlari uning nomini "Vilayat Sinay"ga o‘zgartirishgan va IShIDga sodiqlik bildirishgan.
Misr xavfsizlik kuchlari 2013 yilning sentabridan buyon Shimoliy Sinayda keng ko‘lamli aksilterror operatsiyalarini o‘tkazib kelishadi.
Mavzuga oid
14:53 / 31.03.2025
Misr O‘zbekiston qishloq xo‘jaligi mahsulotlari eksportini kengaytiradi
18:08 / 27.03.2025
Misrda ichida sayyohlar bo‘lgan batiskaf cho‘kib ketdi. Olti kishi halok bo‘ldi
01:57 / 20.03.2025
Misrda 3600 yil avval hukmronlik qilgan sirli fir’avnning qabri topildi
00:41 / 14.03.2025