Atamboyev Qirg‘iziston yangi bosh vazirini tayinlash to‘g‘risidagi farmonni imzoladi

Qirg‘iziston prezidenti Almazbek Atamboyev Sapar Isoqovni mamlakatning yangi bosh vaziri etib tayinlash to‘g‘risidagi farmonni imzoladi, deb xabar bermoqda «Interfaks».

Hukumatning avvalgi rahbari So‘ronboy Jeebekov prezidentlik saylovlarida ishtirok etish maqsadida muddatdan avval iste'foga chiqish haqida qaror qabul qilgandi.

Isoqov Qirg‘iziston parlamentining navbatdan tashqari sessiyasi davomida bosh vazir lavozimiga tasdiqlangan.

Avvalroq Qirg‘iziston parlamenti bosh vazir nomzodi va yangi hukumat tarkibini tasdiqlagani xabar berilgandi.