Germaniya TIV rahbari mamlakatdan AQSh yadro qurolini olib chiqib ketishga chaqirdi

Germaniya TIV rahbari Zigmar Gabriel Sotsial-demokratik partiya yetakchisi Martin Shultsning mamlakatdan AQSh yadro qurolini olib chiqib ketish bo‘yicha taklifini qo‘llab-quvvatladi. Bu haqda Frankfurter  Allgemeine Zeitung DPA agentligiga asosan xabar bermoqda.

«Albatta, shunga ishonchim komilki, qurol-yarog‘ va qurolsizlantirish ustidan nazorat o‘rnatish bo‘yicha muloqotni boshlash kerak... Men Martin Shultsning mamlakatimizdan yadro qurolini olib chiqib ketish borasidagi taklifini to‘g‘ri, deb hisoblayman», - dedi Gabriel.

Ta'kidlanishicha, tasdiqlanmagan ma'lumotlarga ko‘ra, Germaniyadagi Byuxel aholi punkti yonidagi aviabazada Amerikaning 20 ga yaqin yadro kallagi joylashtirilgan.

Avvalroq AQShda yadro bombasi sinovlari o‘tkazilgani ma'lum qilingandi.