Politico: Tramp qarorgohining sobiq rahbari moliyaviy firibgarliklar bilan shug‘ullangan
Rossiya ishi bo‘yicha surishtiruv ishlarini olib borayotgan AQSh maxsus prokurori Robert Myuller Nyu York shtatilik hamkasblari, xususan, bosh prokuror Erik Shneyderman bilan yaqindan hamkorlik qilmoqda. U Tramp saylovoldi shtabi sobiq rahbari Pol Manafortning moliyaviy amaliyotlarini o‘rganmoqda va bu amaliyotlar buzilganini isbotlovchi dalillarga ega. Bu haqda Politico nashri vaziyatdan boxabar manbalarga asoslanib yozmoqda.
Gazetaga ko‘ra, ikkala jamoada ham Manafortning turli moliyaviy jinoyatlari, jumladan pullarni noqonuniy o‘tkazish xususida har xil ma'lumotlar mavjud. Hozircha, aniq ayblovlar e'lon qilish bo‘yicha yakuniy qaror chiqarilmagan. Politico gazetasining yozishicha, to‘plangan ma'lumotlar Myullerga Trampning sobiq shtab boshlig‘iga bosim o‘tkazish uchun qo‘shimcha imkoniyatlarni taqdim etadi.
Myuller vakili nashr ma'lumotlarni izohlashdan bosh tortdi. Manafort matbuot kotibi ham bu xabarlarni izoh so‘rash maqsadida qilingan telefon qo‘ng‘iroqlariga javob bermadi.
Mavzuga oid
23:25 / 20.09.2024
AQSh prezidentligiga nomzodlar xavfsizligi kuchaytirilishi mumkin
18:08 / 20.09.2024
Amerikada erkak 18 yil birovning “svet”iga pul to‘lab kelgani aniqlandi
12:30 / 20.09.2024
AQSh Rossiya va KXDRning beshta yuridik va jismoniy shaxsiga qarshi sanksiyalar kiritdi
10:28 / 20.09.2024