«Irma» birinchi toifaga qadar kuchsizlandi

Qo‘shma Shtatlarga yopirilgan «Irma» dovuli birinchi darajaga qadar kuchsizlandi, deb xabar bermoqda AQSh dovullar haqida ogohlantirish Milliy markazi.

Markazdan ta'kidlashlaricha, «Irma» Florida g‘arbiy yarim oroliga harakatlangani sari zaiflashib bormoqda. Hozirda dovul ichidagi maksimal shamol tezligi soatiga 135 kilometrni tashkil etadi, uning markazi esa Tampadan 40 kilometr shimoli-sharqda va Leyklenddan 30 kilometr shimoli-g‘arbdadir. Dovul soatiga taxminan 24 kilometr tezlik bilan shimoli-g‘arbiy yo‘nalishda harakatlanmoqda.

Avvalroq «Irma» tufayli Mayami markazi suv ostida qolgani xabar berilgandi.