Yevrokomissiya shved avtomobilsozlik kompaniyasiga 880 million yevrolik jarima soldi
Shvetsiyaning Scania avtomobilsozlik kompaniyasi 880 mln yevrodan ko‘proq summaga jazolandi. Bunday qarorni kompaniya Yevropa Ittifoqining monopoliyaga qarshi sanksiyalarini buzganligi haqidagi xulosaga kelib, Yevrokomissiya qabul qildi.
Yevrokomissiyaning saytida ma'lum qilinishicha, yuk mashinalari ishlab chiqaruvchi Scania 1997 yildan 2011 yilgacha 14 yil davomida yana beshta yuk mashinasi ishlab chiqaruvchi kompaniyalari bilan til biriktirishda ishtirok etgan. Bu kompaniyalar narxlar va zararli chiqindilarni kamaytirishga zarur bo‘lgan yangi texnologiyalar bo‘yicha kelishib olishgan.
Ushbu kelishuvda MAN, DAF, Daimler, Iveco va Volvo/Renault kompaniyalari ham qatnashgan. 2016 yil iyulida bu kompaniyalar tergov bilan hamkorlik qilishga rozi bo‘lishgan, biroq Scania bunday qilishdan bosh tortgandi.
Yevrokomissiyada ta'kidlanishicha, Scania va qolgan 5 kompaniya Yevropada sotiluvchi 10 ta o‘rta va og‘ir turdagi yuk mashinasidan 9 tasini ishlab chiqaradilar. Bu yuk mashinalari Yevropa iqtisodiyotida juda muhim rol o‘ynaydi, deb ta'kidlandi Bryusselda.
Mavzuga oid
19:33 / 17.09.2024
Yevrokomissiyaning yangi tarkibi e’lon qilindi
18:07 / 10.09.2024
Yo‘lning chap “polosa”sida harakatlangan yuk mashinalari jarimaga tortilishi mumkin
19:58 / 17.08.2024
Yevropa Ittifoqi chegaralarini noqonuniy kesib o‘tish holatlari kamaydi
14:01 / 26.07.2024