Dorixonalar ijtimoiy ahamiyatga ega dorilarning muomalada bo‘lishi to‘g‘risida hisobot beradi

Vazirlar Mahkamasining 18.09.2017 yildagi 741-son qarori bilan Ijtimoiy ahamiyatga ega dori vositalari va tibbiyot buyumlariga ehtiyojni aniqlash tartibi to‘g‘risidagi nizom tasdiqlandi. Bu haqda Norma.uz xabar berdi.

Ehtiyoj tasdiqlangan sxema bo‘yicha uch bosqichda aniqlanadi.

Kelasi yilning boshidan dorixonalar har chorakda ijtimoiy ahamiyatga ega dori vositalari va tibbiyot buyumlarining muomalada bo‘lishi to‘g‘risidagi hisobotlarni Sog‘liqni saqlash vazirligiga taqdim etadi.

Hujjat 2017 yil 25 sentabrdan kuchga kirdi.