Ketish oldidan. Atamboyevlar davlat mukofotiga loyiq ko‘rildi
Qirg‘iziston prezidenti Almazbek Atamboyev mamlakat hududlariniing ijtimoiy-iqtisodiy rivojlanishi va iqtisodiyotni mustahkamlashga qo‘shilgan ulkan xizmatlar uchun davlat mukofotlari berish haqidagi farmonni imzoladi. Bu haqda 24.kg xabar bermoqda.
Mukofotlanganlar ro‘yxatida yuzga yaqin kishi bor. Jumladan, III darajali «Manas» ordeni bilan O‘sh viloyati «Matkarim» fermer xo‘jaligi rahbari Jusupakmat Atamboyev, Qirg‘iziston Respublikasining faxriy yorlig‘i bilan Ton ovul kengashi raisi Talantbek Atamboyev mukofotlangan.
Mukofotlanganlar orasida dehqonlar, fermer xo‘jaliklari rahbarlari, injyenerlar va ekologlar bor. Amaldorlar ham uchraydi. Jumladan, Bishkek shahri hokimi Albek Ibraimov «Dank» ordeni bilan mukofotlangan. «Dank» medali milliy energiya xoldingi boshqaruvi raisi Oybek Kaliyevga ham berilgan.
Ilgariroq Almazbek Atamboyev so‘nggi yillarda «davlat mukofotlari instituti degradatsiyaga duchor bo‘lganligi sababli» Qirg‘izistonda davlat mukofotlari ahyon-ahyonda berilganini aytib o‘tgan edi.
Lekin shu yilning o‘zidayoq prezident bungacha uch marta davlat mukofotlarini tarqatgan edi: oktabrda, iyulda va martda.
Mavzuga oid
18:48 / 28.09.2024
Xitoydan Qirg‘iziston orqali o‘tadigan temir yo‘lning O‘zbekistondagi qismi qachon qurilishi ma’lum bo‘ldi
20:44 / 26.09.2024
Sadir Japarov Asqar Akayevning Qirg‘iziston prezidenti lavozimida qilgan uchta asosiy xatosini aytdi
09:55 / 25.09.2024
Saidikrom Niyozxo‘jayev O‘zbekistonning Qirg‘izistondagi elchisi etib tayinlandi
20:32 / 24.09.2024