Brent nefti 2015 yil may oyidan beri ilk bor 69 dollardan qimmatladi

Brent turidagi neft narxi AQSh energetika vazirligining prognoz boshqarmasi Brent neftining 2018 yildagi o‘rtacha narxi 2017 yil dekabrdagi 57,26 dollarga nisbatan 59,74 dollarni tashkil qilishi haqidagi hisobotni e'lon qilgandan keyin 2015 yil 6 mayidan beri birinchi bor 69 dollardan oshdi.

9 yanvar kechki paytga kelib Brent nefti narxi 1,76 foizga oshib, 68,97 dollarni tashkil qildi. Bundan avvalroq uning narxi 69,05 dollargacha yetgandi. WTI neftining narxi esa 2,32 foizga oshib, 63,16 dollarga yetgan.