Prezidentning viloyatlarga safari rejimi o‘zgardi
Shavkat Mirziyoyev endilikda qaysi hududga xizmat safariga boradigan bo‘lsa, birinchi kuni joylardagi ijtimoiy-iqtisodiy islohotlar qanday borayotgani bilan tanishadi. Bu haqda davlat rahbari O‘zbekiston Respublikasi prezidenti huzuridagi Xavfsizlik kengashining kengaytirilgan yig‘ilishida ma'lum qilgan.
«Barchangizning e'tiboringizni muhim bir masalaga qaratmoqchiman. Bundan buyon men qaysi hududga xizmat safariga boradigan bo‘lsam, birinchi kuni joylardagi ijtimoiy-iqtisodiy islohotlar qanday borayotgani bilan tanishaman. Ikkinchi kuni esa, shu hududdagi harbiy-ma'muriy sektorlardagi ahvolni har tomonlama o‘rganib chiqaman.
Yil davomida shunday tartibda ish olib boramiz. Hokimlar, okrug qo‘mondonlari va boshqa tegishli mutasaddi rahbarlar buni albatta e'tiborga olishi lozim», - dedi prezident.
Ta'kidlash joizki, harbiy-ma'muriy sektorlar mudofaa sohasida yagona davlat siyosatini amalga oshirish, armiya va xalqning birligini ta'minlash uchun yaratilgan. Ularning yordami bilan mamlakatning mudofaa qobiliyatini mustahkamlashda mahalliy hokimiyatlarning roli yanada faol va muhimroq bo‘ladi.
Mavzuga oid
19:31 / 06.10.2024
Shavkat Mirziyoyev Rossiyaga boradi
16:30 / 01.10.2024
Prezidentning pedagoglar bilan muloqoti - ustozlar yana qanday imkoniyatlarga ega bo‘ladi?
21:10 / 30.09.2024
Prezident o‘qituvchi va murabbiylarni bayram bilan tabrikladi
16:53 / 30.09.2024