Video: Xitoyda bir kechaning o‘zida temir yo‘l o‘tkazgichi qurildi

Xitoyda ishchilar to‘qqiz soat ichida mamlakat janubida joylashgan Lunyan shahridagi Nanlun yangi vokzali uchun temir yo‘l o‘tkazgichini qurib bitkazishdi. Bu haqda Daily Mail xabar tarqatgan.

Qurilishda 1,5 ming kishi ishtirok etdi. Xususan, ular uchta yirik yo‘nalishni yangi liniya bilan ulashgan. Hammasi bo‘lib 23 ta ekskvator jalb etildi.

Nashr ma'lumotlariga ko‘ra, ular nafaqat yo‘lni qurib bitkazishgan, balki foydalanishga topshirish uchun butunlay tayyor qilib berishgan: uning chetlarida svetoforlar hamda harakat monitoringi uchun vositalar o‘rnatildi. Ta'kidlanishicha, ishchilar yetti brigadaga bo‘lingan va bir vaqtning o‘zida turli vazifalarni bajargan.