Boliviyadagi osma yo‘l Ginness rekordlar kitobiga kiritildi

Boliviyadagi osma yo‘l dunyodagi eng uzun osma yo‘l sifatida Ginness rekordlar kitobiga kiritildi. Uning uzunligi 30 km ni tashkil qiladi. U yordamida odamlar tog‘da joylashgan La-Pas va El-Alto shaharlari orasida harakatlanadilar.

Bir shahardan ikkinchisiga 4 ta avtobus yordamida yetib olish mumkin. Bunga 1,5-2 soat vaqt ketadi. Osma yo‘lda esa bunga bor-yo‘g‘i 25 daqiqa ketadi. Osma yo‘l kabinalarida internet ham mavjud.

Osma yo‘l ko‘proq “havo metrosi”ga o‘xshaydi. Yo‘l 3500 metrdan ko‘proq balandlikdan o‘tgan. Undan har kuni kamida 160 ming kishi foydalanadi. 2030 yilga kelib uni kengaytirish mo‘ljallanmoqda. Shunda undan kuniga 300 minggacha kishi foydalana oladi.