Mahalla guzarini hujjatlashtirib berishni va'da qilib, 15 ming dollar olmoqchi bo‘lgan shaxs ushlandi

Toshkent shahrining Yakkasaroy tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, Yakkasaroy tumanida 5 fevral soat 13.30 larda Olmazor tumani Qichqiriq ko‘chasida yashovchi, 1972 yilda tug‘ilgan X.B. Yu.X.Hojib ko‘chasida joylashgan Yakkasaroy tuman hokimiyati binosi oldida Toshkent viloyati Zangiota tumani Ko‘ksaroy QFY Olmazor ko‘chasida yashovchi, 1986 yilda tug‘ilgan B.H.ga 20.000 AQSh dollar evaziga Belariq mahallasida joylashgan mahalla guzarini tuman hokimiyati orqali uning nomiga hujjatlashtirib berishni va'da qilib undan 15.000 AQSh dollarini olayotgan vaqtida Toshkent shahar IIBB xodimlari tomonidan qo‘lga olingan.