Bugun Samarqand va So‘g‘d viloyati o‘rtasidagi avtomobil o‘tkazish punkti ochiladi

Bugun Samarqand viloyati va Tojikiston Respublikasining Sug‘d viloyati o‘rtasidagi "Jartepa" avtomobil o‘tkazish punkti ochiladi. Bu haqda O‘zA xabar bermoqda.

Qayd etilishicha, ayni paytda mazkur maskanning ochilish marosimiga tayyorgarlik ko‘rilmoqda. Unda ikki viloyatning jamoatchilik vakillari, faollar va chegara hududidagi mahallalarda yashovchi aholi, davlat va jamoat tashkilotlari mas'ullari ishtirok etadi. 

Eslatib o‘tamiz, avvalroq Tojikiston bilan chegaradagi «Oybek» postida chegaradan o‘tish tartibi soddalashtirilgani ma'lum qilingandi.