Saudiya Qiroli Iroqda stadion barpo etishga va'da berdi

Saudiya Arabistoni qiroli Salmon Iroq terma jamoasiga qarshi o‘rtoqlik uchrashuvidan so‘ng, mamlakat bosh vaziri Haydar al-Abadiy bilan telefon qo‘ng‘irog‘i orqali muloqot qilgan.

Reuters axborot agentligi bergan xabarga ko‘ra, Salmon suhbat davomida Iroqqa sovg‘a sifatida yangi stadion qurib berishga va'da bergan.

Ikki mamlakat o‘rtasida so‘nggi vaqtlarda aloqalar yaxshilanmoqda. Davlatlar aloqalarni mustahkamlash maqsadida bir qator ishlarni amalga oshirishayotgani haqida xabarlar tarqalgan.