Qashqadaryoda avtomashinaga o‘rnatilgan gaz balloni portlab ketdi

Qashqadaryo viloyatining G‘uzor tumanida 12 mart kuni soat 12.30larda Chiroqchi tumani Chuvilloq qishlog‘ida yashovchi, 1980 yilda tug‘ilgan A.B. boshqaruvidagi “Neksiya” rusumli avtomashinasini “Toshkent-Termiz” M-39 yo‘lining 1244-kilometrida joylashgan avtomashinalarga texnik xizmat ko‘rsatish ustaxonasi oldida ta'mirlatish uchun to‘xtagan vaqtida avtomashinasiga o‘rnatilgan gaz balloni yorilib ketgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Natijada avtomashina yonida turgan 1993 yilda tug‘ilgan B.J. jarohat olib kasalxonaga yotqizilgan. Surishtiruv ishlari olib borilmoqda.