Toshkent shahrida Koreyaning Sijon Universiteti filiali ochiladi

Maktabgacha ta'lim vazirligida "Toshkent shahrida Sijon Universiteti (Koreya Respublikasi) filialini ochish to‘g‘risida"gi protokol imzolandi. 

KUN.UZ'ga taqdim etilgan ma'lumotga ko‘ra, bu yerda bolalarni erta rivojlantirish, internet-axborot, aloqa va turizm  fakultetlari faoliyat yuritadi. 

Hujjat maktabgacha ta'lim vaziri A.Shin va Sijon universiteti rektori Xong Yong Kim tomonidan imzolangan.

Toshkentda Sijon Universitetini tashkil etishdan maqsad mutaxassislarning individual imkoniyatlari va professional tayyorgarligini oshirishga yo‘naltirilgan ta'lim dasturini ishlab chiqish va rivojlantirishdir.