Emirates uydan turib reysga ro‘yxatdan o‘tish va yuklarni topshirish xizmatini yo‘lga qo‘ydi
Emirates aviakompaniyasi yo‘lovchilarning uylaridan turib reysga ro‘yxatdan o‘tish va yuklarini topshirish xizmatini yo‘lga qo‘ydi. Bu haqda Gulf News nashri xabar bermoqda.
Yo‘lovchilar qo‘shimcha haq evaziga aviakompaniyaning ularning uylariga keluvchi xodimlariga 7 tagacha buyumni topshirishlari mumkin. Yangi xizmat barcha xizmat ko‘rsatish sinflarida taqdim qilinadi.
Aviakompaniya xodimi topshirilgan yukning og‘irligini o‘lchab, unga yorliq biriktiradi, yo‘lovchini reysga ro‘yxatdan o‘tkazadi va Dubayning yo‘lovchi tanlagan istalgan joyida unga chiptalarni topshiradi. Bu mehmonxona, uy yoki ofis bo‘lishi mumkin. Xodim bagajni reysga bir necha soat qolganda aeroportga olib ketadi. Xizmatga parvozgacha kamida 12 soat oldin buyurtma berish kerak.
Aviakompaniya, shuningdek, yukni manzilga uchib kelgandan keyin yetkazish xizmatini ham yo‘lga qo‘ydi. Bunda aviakompaniya xodimi yo‘lovchi yukini tasmadan olib, uni bojxona nazoratidan o‘tkazib, yo‘lovchi uyiga yetkazib beradi.
Mavzuga oid
10:40 / 23.10.2024
O‘zbekistonning tranzit yuk o‘tkazish salohiyati 2030 yilga borib 4,4 barobarga ortadi
21:07 / 05.10.2024
Emirates yo‘lovchilarning samolyot bortiga peyjyer va ratsiyalar olib chiqishini taqiqladi
08:21 / 31.05.2024
2023 yilda O‘zbekistonga 30 ta davlatdan gumanitar yordam yuklari keldi
07:50 / 24.05.2024