7 yildan so‘ng ilk bor Ko‘lob-Moskva yo‘nalishida poyezd qatnovi ishga tushdi ​​

So‘nggi yetti yil ichida ilk bor Ko‘lob-Moskva yo‘nalishida yo‘lovchi tashuvchi poyezd Tojikistondan jo‘nab ketdi. Bu haqda Tojikiston temir yo‘llari DUK xabar bermoqda.

Ma'lum qilinishicha, Ko‘lob-Moskva yo‘nalishi joriy yilning 3 may kunidan boshlab qayta faollashtirilgan. Ilk qatnovda 400 nafar yo‘lovchi 8ta platskart va 1ta kupe vagonda Moskvaga yetib borish imkoniyatiga ega bo‘ldi. 

 Xabarda aytilishicha, yo‘lovchilar uchun kupe vagondagi joy 11931 rubl, platskartda esa 8762 rubl etib belgilangan. 

Eslatib o‘tamiz, O‘zbekistonda G‘alaba-Amuzang yo‘nalishida temir yo‘l qatnovi foydalanishga topshirilgandan so‘ng, 2012 yili Tojikistonning Xatlon viloyati Markaziy Osiyo umumiy tarmog‘ida uzilib qolgandi. 

Oradan 6 yil o‘tib, 2018 yil 1 mart kuni ushbu yo‘nalish qayta tiklanib, birinchi poyezdlar relsga tushirilgandi.