Farmatsevtika erkin iqtisodiy zonalari faoliyati uchun 300 mln so‘mdan ajratiladi

Farmatsevtika erkin iqtisodiy zonalari faoliyatini rivojlantirishni jadallashtirish maqsadida Vazirlar mahkamasi farmoyishi qabul qilindi.

Hujjatga ko‘ra, erkin iqtisodiy zonalar va kichik sanoat zonalari ma'muriy kengashlari faoliyatini muvofiqlashtirish Respublika kengashi tomonidan «Nukus-farm», «Zomin-farm», «Kosonsoy-farm», «Sirdaryo», «Boysun-farm», «Bo‘stonliq-farm» va «Parkent-farm» direksiyalari direktorlari tayinlangani ma'lumot o‘rnida qayd etib o‘tilgan.

Direktsiyalar o‘z ma'muriy binolari ishga tushirilgunga qadar tuman va shahar hokimliklari binosidan tekinga foydalanib turishi ko‘rsatilgan.

Keyingi yillardan o‘zini-o‘zi ta'minlashga o‘tishi sharti bilan 2018-2019 yillarda ko‘rsatib o‘tilgan erkin iqtisodiy zonalar direksiyalarining 300 million so‘mlik nizom jamg‘armasi uchun Vazirlar Mahkamasining zaxira fondidan ajratilishi Moliya vazirligi zimmasiga yuklangan.