Qog‘oz bilan muammo Venesuelada metroning bepul qilinishiga sabab bo‘ldi

1 iyunda Karakas metrosi xodimlari turniketlarni barcha istovchilar uchun bepul ochish haqida ko‘rsatma olishdi.

Karakas rahbariyati maishiy va ishlab chiqarish ehtiyojlari uchun ishlatiluvchi qog‘oz yetishmayotgani bilan bog‘liq vaziyatni hal qilish uchun misli ko‘rilmagan choralar qo‘llamoqda. Jumladan, metroda yurish chiptalarni bosish uchun qog‘oz yo‘qligi sababli vaqtinchalik bepulga aylandi.  

Shu tariqa 2 mln ga yaqin yo‘lovchi har kuni bir yo‘nalish bo‘yicha 0,6 dollar tejashi mumkin bo‘ladi.

Venesuela qog‘ozni katta miqdorda xorijdan sotib olib kelgan, biroq mamlakatda hukm surayotgan iqtisodiy inqiroz vaziyatida hukumat tegishli materiallarni sotib olish uchun bir yildan ko‘proq vaqtdan beri mablag‘ ajratmagan.