Ukraina tashqi ishlar vaziri Rossiyadagi JCh-2018dan foydalanib qolishni taklif qildi

Ukraina tashqi ishlar vaziri Pavel Klimkinning taxmin qilishicha, Rossiya futbol bo‘yicha 2018 yilgi jahon chempionati vaqtida yaxshi niyat belgisi sifatida mahbuslarni o‘zaro almashishga qaror qilishi mumkin.

«Bunday holat ehtimoli bor, biroq bu yaxshi niyat belgisi emas, balki jahon chempionati vaqtida Rossiya imijini yaxshilash maqsadida qilinishi mumkin. Musobaqadan biz foydalanishimiz lozim, ammo bundan keyin ham tegishli ishlarni to‘xtatish kerak emas», - deya Klimkinning so‘zlarini keltiradi FAN.

Eslatib o‘tamiz, avvalroq AQSh jahon chempionati terrorchilar uchun yaxshi nishonga aylanishi mumkin ekani haqida bayonot bergandi.