Nikaraguada namoyishlar vaqtida halok bo‘lganlar soni 300dan oshib ketdi

Nikaraguada hukumatga qarshi namoyishlar oqibatida halok bo‘lganlar umumiy soni yana 24 nafarga ko‘payib, 309 nafarni tashkil qilmoqda.  

Avvalroq 19 apreldan beri davom etayotgan namoyishlarda 285 kishi halok bo‘lgani ma'lum qilingan. Prensa portalining ma'lum qilishicha, jarohat olganlar soni hali ham 1,5 ming kishi atrofida baholanmoqda, ulardan 46 nafari jiddiy jarohatlangan. 

Nikaraguada aprel o‘rtasidan hukumatning ish beruvchilar va ishchilarning ijtimoiy sug‘urta jamg‘armasiga to‘lovlari qiymati oshirilishi ko‘zda tutilgan taklifiga qarshi namoyishlar davom etib kelmoqda. Prezident Daniel Ortega bu taklifni bekor qilganiga qaramay, namoyishlar to‘xtamayapti.